Qazaqstan jastarynyń basym bóligi Eýropada bilim alyp júr - «Bolashaq» baǵdarlamasy

ASTANA. 19 shilde. QazAqparat - Búginde «Bolashaq» baǵdarlamasy boıynsha QR Prezıdentiniń halyqaralyq stıpendııasyna ıe bolǵan Qazaqstan jastarynyń basym bóligi Eýropa elderinde bilim alyp júr.

QR Bilim jáne ǵylym mınıstrligi «Halyqaralyq baǵdarlamalar ortalyǵy» AQ aqparatyna sáıkes «Bolashaq» baǵdarlamasy boıynsha oqýǵa túsken jastardyń 53,7 paıyzy Eýropada, onyń ishinde Ulybrıtanııa, Germanııa, Frantsııa, Ispanııa, Italııa, Avstrııa, Shveıtsarııa, Nıderlandy, Irlandııa, Fınlıandııa, Norvegııa, Shvetsııa, Chehııa, Polsha, Túrkııa, Izraıl, Bolgarııa, Latvııa, Lıtva, Rýmynııa jáne Estonııa memleketterinde bilim alsa, 29,5 paıyzy Amerıka Qurama Shtattarynda oqıdy. Reseı, Belarýs pen Ýkraına ýnıversıtetterin qazaqstandyq jastardyń 9,1 paıyzy tańdady. Al Qytaı, Japonııa, Koreıa, Malaızııa, Sıngapýr, Avstralııa men Jańa Zelandııada jerlesterimizdiń 7,7 paıyzy óz bilimderin ushtap júr.