Qazaqstan jastarynyń 30 paıyzy Almatyda turady - Baqytjan Jumaǵulov
MATY. 23 tamyz. QazAqparat /Erlik Erjanuly/ - Biz bıyl oqý jylyn bilim berýdi damytýdyń 2011-2020 jyldarǵa arnalǵan jańa baǵdarlamasymen qarsy alyp otyrmyz. Ony Bilim jáne ǵylym mınıstri Baqytjan Jumaǵulov búgin Almatyda ótip jatqan bilim berý qyzmetkerleriniń on-laıyn júıesindegi "Otbasy. Mektep. Qoǵam - ıgilikti bolashaq úshin" degen taqyryptaǵy tamyz keńesinde aıtty.
"Jańa baǵdarlamanyń eń basty baǵyttary - bilim sapasy, ustaz mártebesiniń deńgeıin kóterý, elektrondyq júıege kóshý. Onyń basy búgingi konferentsııada bastalyp otyr. Almatyda bizdi qazir 16 myń ustaz kórip otyr", - dedi Baqytjan Tursynuly. Onyń aıtýynsha, Almaty jastardyń qalasy. Onda Qazaqstan jastarynyń 30 paıyzy turady. Almaty elimizdiń ǵylymı jáne mádenı ortalyǵy. Munda kóp sandy jáne bilikti barlyq deńgeıdegi pedagogtar ujymy shoǵyrlanǵan. Mektepke deıingi, orta, kásibı jáne joǵary deńgeıdegi bilim berý salasynyń qyzmetkerleri men joǵary, orta jáne jalpy orta bilim berý mekemeleriniń kóbi osynda.
