Qazaqstan jastary kongresi ótken saılaýǵa baılanysty málimdeme jasady
«Nur Otan» partııasy kezekten tys saılaýda aıqyn jeńiske jetti. Partııanyń basty urany birlik, turaqtylyq, jasampazdyq ekenin bilesizder jáne bul qundylyqtarǵa barsha Qazaqstan halqy úlken qoldaý bildirdi. Qazaqstan jastary jáne «Qazaqstan jastary kongresiniń» atynan Ult kóshbasshysy men «Nur Otandy» aıqyn jeńisimen quttyqtaǵym keledi», - dedi ol.
N. Sábıtovtyń sózine qaraǵanda, barlyq qazaqstandyqtar saılaýǵa belsendi qatysýy arqyly memlekettik saıasatty, bes ınstıtýtsıonaldy reformany qoldaıtyndyǵyn naqtylap, elimiz durys baǵytta kele jatqandyǵyn jáne bolashaqta Qazaqstan álemniń damyǵan otyz eliniń qataryna qosylý maqsatyna jetetindigin kórsetti. Sonymen qatar, ol halyqaralyq sarapshylar tarapynan aıtylyp jatqan pikirler ótken saılaýdyń durystyǵyn kórsetkendigin atap ótti.
«Jastar úshin saılaý kezeńi erekshe mańyzdy. Ózderińiz bilesizder, qazaqstandyqtardyń basym bóligi, ásirese, jastar daýys berýge belsendi qatysty. Barlyq konstıtýtsııalyq normalar men quqyqtardy saqtaý bizdiń aldymyzda turǵan basty mindet. Meniń oıymsha, biz saılaýdy durys baǵytta ótkizdik jáne jaqsy nátıjelerge qol jetkizdik», - dedi ol.
