Qazaqstan jastary qarýdan oq atý jarysyna qatysady
ASTANA. QazAqparat - Bıylǵy maýsymda tuńǵysh ret Qazaqstanda Qaraǵandy oblysynyń «Spassk» oqý-jattyǵý ortalyǵynyń bazasynda jastardyń «Aıbyn» atty respýblıkalyq áskerı-patrıottyq jıyny ótedi.
«Sharaǵa elimizdiń barlyq aımaǵynan 800-den astam jas býyn ókili qatysady. Jastar men jasóspirimderge áskerı-patrıottyq tárbıe berý, áskerı qyzmettiń ımıdjin arttyrý jáne dene daıarlyǵy men sportty nasıhattaý óskeleń urpaq tárbıesindegi basym baǵyttar bolyp tabylady.
Jastardyń boıynda óziniń Otanyn qorǵaýǵa daıyn joǵary patrıottyq sezimderi men adamgershilik qasıetteri qalyptasýy tıis. Osy maqsatta tuńǵysh ret Qazaqstanda respýblıkalyq áskerı-patrıottyq jıynǵa áskerı-patrıottyq klýbtar, sporttyń áskerı qoldanbaly túrleri boıynsha oblystyq jáne qalalyq saıystardyń jeńimpazdary, respýblıkalyq áskerı mektep ınternattarynyń, «Jas ulan» respýblıkalyq mektebi men «Arystan» lıtseıiniń tárbıelenýshileri, joǵary oqý oryndary áskerı kafedralarynyń stýdentteri qatysady», - dep atap ótilgen QR Qorǵanys mınıstrliginiń málimetinde.
Saıys baǵdarlamasyna jastardyń dene daıarlyǵyn aıqyndaıtyn negizgi kúshtik jattyǵýlar men sporttyń áskerı-qoldanbaly túrleri boıynsha jarystar engizilgen. Jarys baǵdarlamasyna beltemirge tartylý, 100 metrde AK-74-ten oq atý, pnevmatıkalyq vıntovkadan atý, sondaı-aq áskerı-medıtsınalyq daıyndyq qamtylady.
