Qazaqstan jastary «altyn qasyq» kútpeı, ony ózderi jasap júr – Rýstam Kaıryev

NUR-SULTAN. QazAqparat – Qazaqstan jastary «altyn qasyq» kútpeı, ony ózderi jasap júr. Mundaı pikirdi Qazaqstan halqy Assambleıasynyń HІH sessııasynda «Qazaqstannyń uıǵyr jastary odaǵy» RQB tóraǵasy Rýstam Kaıryev aıtty, dep habarlaıdy QazAqparat tilshisi.

«Búginde jas qazaqstandyqtar NASA, GOOGLE, Tesla, Boeing syndy kompanııalardy baǵyndyryp, olarda ázirleýshi retinde basty pozıtsııalarda eńbek etip júr. Bizdiń jastarymyz «altyn qasyqty» ákelip berýin kútpeıdi. Olar ony ózderi jasap, ózgelermen de bólisýde. Qazaqstanda barlyǵyna da jumys jetedi. Bastysy erinbeý kerek», - dedi ol.

Onyń atap ótýinshe, Táýelsizdiktiń 30 jyly ishinde jastardyń sanasynda «qazaq» sóziniń tarıhı túpki máni berik ornyqty. ıAǵnı, olar búginde erkindik, otanshyldyq, táýelsizdik rýhynda ómir súredi.

«Uıǵyr jastary odaǵynda jumys istegen 9 jyldyń ishinde uıǵyrlardyń qazaq halqymen taǵdyrlas ómir súrýge degen umtylysyndaǵy zor ilgerileýshilikti baıqadym. Uıǵyr jastary volonterlik arqyly 3 myńnan astam muqtaj otbasyǵa kómek kórsetti. «Halyq alǵysy» medalin júregimizdiń tusynda taǵyp júremiz. Qazaqstan biz úshin jeruıyqqa aınaldy», - dedi Rýstam Kaıryev.