Qazaqstan jastary qylyshtasýdan álem kýbogynda top jardy

ASTANA. KAZINFORM – Almatyda 4-16 aqpan aralyǵynda jasóspirimder arasynda qylyshtasýdan Əlem kýbogy ótti. Atalǵan jarysqa Azııa men əlemniń 13 elinen 100-den astam sportshy qatysty.

Қылыштасудан Қазақстан жастары әлем кубогында топ жарды
Фото: Қылыштасу федерациясының баспасөз қызметі

Atap aıtar bolsaq, Qytaı, Úndistan, Ózbekstan, Ońtústik Koreıa, Brazılııa, Nıgerııa, Gonkong, Túrkııa, Izraıl, Bolgarııa, Belarýs jəne Qazaqstan noıandary ózara júldelerdi sarapqa saldy. Óz elimizde ótken álemdik jarysta qazaqstandyq sportshylar joǵary nətıje kórsetip, bes medal jeńip aldy.

– 2022 jyly biz Almatyda alǵash ret jasóspirimder arasynda Əlem kýbogyn uıymdastyrdyq, biraq ol tek qyzdar arasynda ótti. Aıta ketý kerek, bul týrnır Halyqaralyq semserlesý federatsııasy (FIE) tarapynan joǵary baǵa aldy. 2023 jyly Qazaqstanda 23 jasqa deıingi sportshylar arasynda Azııa chempıonatyn ótkizdik, oǵan 300-den astam sportshy qatysty. Bıyl biz jasóspirimder arasyndaǵy Əlem kýbogyn tolyq formatta – uldar men qyzdar arasynda ótkizý múmkindigine ıe boldyq. Bul təjirıbe Qazaqstannyń əlemdik qylyshtasý qaýymdastyǵyndaǵy bedelin arttyryp, senim deńgeıin kóteredi. Biz bul qadamdar 2027 jyly Qazaqstanda eresekter arasynda alǵash ret ótetin olımpıada aldyndaǵy Azııa chempıonatyn ótkizý quqyǵyn alýǵa negiz bolady dep úmittenemiz. Al osy jarysqa toqtalsaq, qazaqstandyq semserlesýshiler halyqaralyq qarsylastarymen laıyqty bəseke kórsetip, jekeleı jəne komandalyq jarystarda joǵary nətıje kórsetti, - dedi Qazaqstan Semserlesý Federatsııasynyń prezıdenti Mırbýlat Abýov.

Almatydaǵy Əlem kýbogynyń qorytyndysy boıynsha qazaqstandyq sportshylar medal jeńip aldy. Jekeleı synda Nurmuhammed Jaılybaı kúmis júldeger atandy. Ádemi Serikbaı men Qaınazar Nurqatuly qola júlde ıelendi. Komandalyq jarysta Qazaqstannyń qyzdar quramasy kúmis medal jeńip alsa, uldar quramasy týrnırdiń jeńimpazy atandy.

Qylyshtasýdan Almatydaǵy Əlem kýbogynyń nətıjeleri:

14 aqpan – qyzdar (jekeleı syn)

1. PERDIBAEVA Gulistan (Ózbekstan)

2. JUMAMURATOVA Ayakoz (Ózbekstan)

3. SHOKIROVA Samira (Ózbekstan)

3. SERIKBAI Adema (Qazaqstan)

15 aqpan – uldar (jekeleı syn)

1. KUPELI Adem Doruk (Túrkııa)

2. ZHAILYBAY Nurmukhammed (Qazaqstan)

3. KALENDER Enes Talha (Túrkııa)

3. NURKATULY Kainazar (Qazaqstan)

16 aqpan – komandalyq jarystar (uldar, qyzdar)

Uldar:

1. Qazaqstan

2. Ózbekstan

3. Túrkııa

Qyzdar:

1. Ózbekstan

2. Qazaqstan

3. Bolgarııa

Əlem kýbogy Almalybaq aýylyndaǵy Olımpıadalyq daıyndyq ortalyǵynda ótti.

Aıta keteıik, Taıland astanasy Bangkokta nysana kózdeýden ótip jatqan Azııa kýbogynda Qazaqstan quramasy 14 medalmen kósh bastap turǵanyn jazǵan bolatynbyz.

Сейчас читают