Qazaqstan jastary halyqaralyq Voice Up ınklıýzıvti lagerine qatysyp jatyr
ASTANA. KAZINFORM — Samarqand qalasynda 7-12 maýsym aralyǵynda ótip jatqan Voice Up halyqaralyq ınklıýzıvti jastar lagerine qazaqstandyq delegatsııa qatysyp jatyr. Bul týraly Mádenıet jáne aqparat mınıstrliginiń baspasóz qyzmeti habarlady.
Qazaqstan delegatsııasy qatarynda memlekettik organdardyń ókilderi, ınklıýzıvti bilim berý salasynyń mamandary, belsendi jastar jáne áleýmettik bastamalardy júzege asyryp júrgen joba jetekshileri bar.
Lager erekshe qajettiligi bar jastardyń áleýetin ashýǵa, halyqaralyq baılanysty nyǵaıtýǵa, volonterlik mádenıetti damytýǵa jáne tájirıbe almasýǵa baǵyttalady.
Baǵdarlama aıasynda halyqaralyq forýmdar, taqyryptyq trenıngter, mentorlyq kezdesýler, áleýmettik bastamalardyń tanystyrylymdary, mádenı is-sharalar jáne jastar delegatsııalarynyń qatysýymen ashyq pikirtalas alańdary uıymdastyrylady.
Aıta keteıik, Almaty Superski jobasy aıasynda Kók-Jaılaýdaǵy jańa kýrort ınklıýzıvti orta qalyptastyratyn bolady.
