Qazaqstan jastary elektoraldyq naýqanǵa belsendi qatysyp jatyr – TMD baıqaýshylar mıssııasy
ASTANA. KAZINFORM - Halyqaralyq baıqaýshylarǵa qolǵabys kórsetý ortalyǵynda ótken baspasóz konferentsııasynda Igor Petrıshenko TMD mıssııasy Qazaqstanda 19-ret baqylaý júrgizip otyrǵanyn aıtty.
Qazirgi tańda 161 halyqaralyq baıqaýshy akkredıttelgen. Baqylaý Qazaqstannyń 9 óńirinde jáne sheteldegi 12 memlekette júrgizilip jatyr. Baıqaýshylar 520-dan astam saılaý ýchaskesine barǵan.
Mıssııa basshysy oǵan qyzyqty bolyp kóringen bir jańashyldyq týraly aıtyp ótti.
Onyń sózinshe, ýchaskelerdiń birinde daýys berip shyqqannan keıin jas jigit qyzǵa úılenýdi usynǵan, al qyz kelisimin bergen.
-Bul da Qazaqstan jastarynyń elektoraldyq naýqanǵa belsendi qatysyp jatqanyn kórsetedi. Aıta keteıin, biz qoǵamdyq baqylaýshylardyń arasynda kóbine jastardyń kóp ekenin baıqadyq. Jastar shynymen de eldiń bolashaq damýyna alańdaıdy, oılaıdy. Meniń oıymsha, qabyldanatyn sheshim Qazaqstannyń oń jáne turaqty damýy úshin qabyldanady», – dedi Igor Petrıshenko.
Osyǵan deıin TMD PAA baıqaýshylary referendýmnyń uıymdastyrylýy týraly Qazaqstannan kóp nárse úırenýge bolatynyn aıtty.
