Qazaqstan jastar quramasy Slovenııamen teń tústi
ASTANA. QazAqparat - Búgin elordadaǵy «Astana-arena» stadıonynda fýtboldan 21 jasqa deıingi Qazaqstan jastar quramasy Slovenııany qabyldady. Bul - 2019 jylǵy Eýropa birinshiligine irikteýdiń kezekti oıyny, dep habarlaıdy QazAqparat tilshisi.
Esterińizge sala ketelik, bizdiń jastar quramasy 2019 jylǵy Eýropa birinshiligi irikteý kezeńinde toǵyzynshy topta synǵa túsip keledi. Qarsylastary - Frantsııa, Slovenııa, Bolgarııa, Chernogorııa, Lıýksembýrg quramalary. Búgingi kúnge deıin quramamyz 8 oıyn ótkizdi. Onyń 8-de jeńiske jetse, 4-de teń túsip túsip, 2-de qarsylasyna ese jiberdi. Týrnır kestesinde 10 upaımen úshinshi orynda keledi.
Búgingi qarsylasy - Slovenııa ekeýi týrnır kestesinde qatarlas tur. Búgingi kezdesýde jeńiske jetken jaǵdaıda bizdiń qurama olardy artqa qaldyratyn edi. Degenmen bul oıynda jeńimpaz anyqtalǵan joq. Qos qurama 0:0 esebine qanaǵat bildirdi. Al birde-bir upaı shashaý shyǵarmaǵan Frantsııa quramasy 21 upaımen týrnır kestesinde birinshi orynda keledi.
Budan burynǵy kezdesýlerde Qazaqstan quramasy Lıýksembýrgti qos oıynda da 2:1, 3:0 esebimen tize búktirdi. Qos oıynda da Frantsııadan 1:4, 0:3 esebimen jeńilip qaldy. Al Bolgarııamen eki kezdesýinde de teń túsip, onda 2:2, 1:1 esepteri tirkeldi. Al Chernogorııamen óz alańynda 1:1 esebimen teń oınady.
Bizdiń qurama kelesi kezdesýin de Slovenııamen ótkizedi. Bul oıyn 11 qyrkúıekte atalmysh elde bolady. Match Astana ýaqytymen 20.30-da bastalady. Quramamyz Eýropa birinshiligi irikteý kezeńindegi sońǵy oıynyn 16 qazanda syrt alańda Chernogorııamen qorytyndylaıdy.
Atalmysh Eýropa birinshiligi 2019 jyldyń 16-30 maýsym aralyǵynda Italııa men San-Marıno elderinde ótkiziledi. Onda barlyǵy 12 qurama baq synaıdy.
