Qazaqstan jastar quramasy Álem chempıonatynda top jardy - hokkeı
ASTANA. 21 sáýir. QazAqparat - Shaıbaly hokkeıden Qazaqstannyń jastar quramasy Álem chempıonatynda (U-18) jeńimpaz atanyp, birinshi dıvızıonnyń «A» tobyna shyqty.
Keshegi oıynda Qazaqstannyń jas hokkeıshileri Japonııa quramasymen kezdesip, óz qarsylastaryn 6:5 esebimen utty. Japondyqtar da birinshi dıvızıonnyń «A» tobyna shyǵatyn úmitkerlerdiń qatarynda boldy. Sondyqtan olar kezdesýdiń birinshi kezeńinde 4:1 esebimen jeńilip jatqanyna qaramastan, úshinshi kezeńge deıin esep aıyrmasyn barynsha qysqartýǵa tyrysty. Alaıda qazaqstandyq hokkeıshiler bir shaıbamen (6:5) alǵa shyǵyp, 18 jasqa deıingi Álem chempıonatynda jeńimpaz atandy. Osy jeńistiń arqasynda olar birinshi dıvızıonnyń «A» tobyna, ıaǵnı úzdikter qataryna endi.
Aıta keteıik, Vengrııanyń Býdapesht qalasynda ótken Álem chempıonatynda da Qazaqstan quramasy jeńimpaz atanyp, kelesi jyly ótetin chempıonatta elıtalyq topta óner kórsetetin boldy.
