Qazaqstan jastar quramasy Shotlandııadan basym tústi

ASTANA. KAZINFORM – Fýtboldan 21 jasqa deıingi jastar quramasy 2025 jylǵy Eýropa chempıonaty irikteý kezeńindegi sońǵy oıynynda Shotlandııadan basym tústi.

Almaty qalasyndaǵy ortalyq stadıonda ótken matchta qazaqstandyq jastar qarsylasynan 3:2 esebimen basym tústi. Denıs Mamonovtyń shákirtteri Aıbar Abdýlla, Ádilbek Jumahanov, ıAn Trýfanov mergendik tanytty.

Qazaqstandyq jastar V tobynda toǵyz upaı jınap, týrnır kestesinde alty qurama arasynda besinshi orynǵa jaıǵasty. Al Shotlandııa 16 upaımen úshinshi orynǵa turaqtady.

Eske salsaq, budan buryn Ulttar lıgasynda Qazaqstan quramasy qatarynan úshinshi márte jeńildi.

Qazaqstan Slovenııadan syrt alańda 0:3, óz alańynda 0:1 esebimen ese jiberdi. Sondaı-aq el quramasy qazirge deıin Norvegııamen 0:0 esebimen teń túsip, Aýstrııaǵa 0:4 esebimen oısyraı jeńildi.