Qazaqstan jastar quramasy álem chempıonatynda Avstrııaǵa ese jiberdi

Shaıbaly hokkeıden 20 jasqa deıingiler arasyndaǵy álem chempıonatynda Qazaqstan jastar quramasy besinshi oıynyn ótkizdi, dep habarlaıdy Kazinform.

IA dıvızıonynda besinshi týrda qazaqstandyq jastar Avstrııamen kezdesken edi. Oıynnyń negizgi kezeńi 6:6 esebimen teń aıaqtaldy. Jeńimpaz býllıt serııasynda anyqtaldy. Bul joly avstrııalyq hokkeıshiler múlt ketken joq.

Osylaısha Qazaqstan jastar quramasy qarsylasyna 6:7 esebimen jeńilip qaldy.

Aıta ketsek, qazaqstandyq hokkeıshiler alǵashqy tórt týrda jeńiske jetti. Olar Vengrııa (5:2), Danııa (3:2), Frantsııa (4:0) jáne Japonııadan (3:1) esebimen basym tústi.

Nátıjesinde bir turyn elıtalyq dıvızıonǵa joldama aldy.

Qazaqstandyq hokkeıshiler álem chempıonatynyń birinshi dıvızıonynda alty márte oınady. Tórteýinde jeńimpaz atanyp, elıtalyq dıvızıonǵa joldama alǵan edi.

Qazaqstan jastar quramasy elıtalyq dıvızıonda segiz márte baq synady. Joǵary jetistigi – 1999 jyly altynshy oryn.