Qazaqstan jasóspirimder Olımpıadasyn segiz medalmen aıaqtady
ASTANA. KAZINFORM — Qazaqstan quramasy Dakarda (Senegal) ótip jatqan IV jazǵy jasóspirimder Olımpıadasynda óner kórsetýin aıaqtady.
Jarys qorytyndysy boıynsha otandastarymyz eki altyn, úsh kúmis jáne úsh qola medal jeńip aldy.
Dzıýdodan 52 kelige deıingi salmaqta Fatıma Supyǵalıeva, al tasjoldaǵy velosporttan jekeleı ýaqytqa jarysta Ánel Táshbaı Olımpıada chempıony atandy.
Boksshylar Aqnur Tursynǵalı (57 kelige deıin) men Bıbarys Áshirbaı (70 kelige deıin) Qazaqstan qorjynyna kúmis medal saldy. Sondaı-aq Aıbar Qaıym semserlesýden kúmis júldeger atandy.
Al trıatlonshy Ramazan Áınegov, taekvondoshy Lıýbov ıÝn (63 keliden joǵary) jáne boksshy Maral Tólepbergen (54 kelige deıin) úshinshi orynǵa ıe boldy.
Jasóspirimder Olımpıadasynda 18 qazaqstandyq 11 sport túrinen baq synady.
Oıyndardyń jabylý saltanaty 14 qarashada ótedi.
Aıta keteıik, Krıstına Shýmekova Beıjińdegi álem kýbogynyń kúmis júldegeri atandy.