Qazaqstan jasóspirimder quramasy joldastyq kezdesýde Grýzııadan jeńildi

ASTANA. KAZINFORM - 17 jasqa deıingi Qazaqstan jasóspirimder quramasy joldastyq kezdesýde Grýzııaǵa ese jiberdi. 

Qazaqstandyq fýtbolshylar qarsylasynan 1:2 esebimen jeńildi. Sońǵy mınýtta soǵylǵan gol match taǵdyryn sheship ketti. El quramasy sapynan Rasýl Ákimov kózge tústi.

Qazaqstandyq fýtbolshylardyń Gabala qalasynda Ázerbaıjan jáne Grýzııa quramalarymen eki joldastyq match josparlanǵan. 

Birinshi oıynda olar Ázerbaıjannan 0:2 esebimen jeńilip qaldy. 

Elimizdiń jasóspirimder quramasy 28 mamyrdan bastap oqý-jattyǵý jıynyn bastady. Alǵashqy oqý-jattyǵý jıynyn Talǵar qalasynda ótkizdi. Bul quramaǵa aǵa jattyqtyrýshy Baýyrjan Saǵyndyq jetekshilik etedi.

Sondaı-aq elimizdiń 19 jasqa deıingi jastar quramasy 31 mamyr men 10 maýsym aralyǵynda Shymkent qalasynda oqý-jattyǵý jıynyn ótkizip jatyr. Josparǵa sáıkes úsh joldastyq match qarastyrylǵan.