Qazaqstan jasóspirimder quramasy Slovenııadaǵy týrnırde Islandııadan jeńildi

ASTANA. KAZINFORM - Fýtboldan Qazaqstan 19 jasqa deıingi jasóspirimder quramasy Slovenııada ótken «Slovenia Nations Cup-2025» halyqaralyq týrnırinde úshinshi kezdesýde Islandııaǵa jol berdi.

Otandastarymyz Birikken Arab ámirligi (BAÁ), Shotlandııa jáne Islandııa ujymdarymen sheberlik baıqasty. Búgingi oıynda olar Islandııaǵa 1:4 esebimen jol berip qoıdy.

Alǵashqy eki kezdesýinde qazaqstandyq fýtbolshylar Birikken Arab ámirligin 5:1, odan keıin Shotlandııany 2:1 esebimen tize búktirdi.

Quramanyń aǵa bapkeri Kırıll Keker atalǵan týrnırde tómendegi oıynshylarǵa senim artty.

Qaqpashylar: Sherhan Qalmyrza, Dıas Reımov (ekeýi de – «Qaırat»), Saıathan Qusaıynov («Aqtóbe»);

Qorǵaýshylar: Danııar Tashpýlatov, Ámirbek Bazarbaev, Raıymbek Keńesbekov (bári – «Qaırat»), Shyńǵys Qalıev («Levante», Ispanııa), Amanjol Baqytjanov («Tobyl»), Daryn Ospanov («Aqtóbe»), Abzal Saǵyn («Astana»), Temirlan Tórebek («Ertis»);

Jartylaı qorǵaýshylar: Ákejan Qalıqulov, Evgenıı Petrık, Muhamedálı Ábish (bári – «Qaırat»), Álı Aqylbaev («Shahter»);

Shabýylshylar: Karım Mahametjan, Abylaı Tóleýhan, Azamat Tuıaqbaev, Ismaıl Bekbolat (bári – «Qaırat»), Arsen Ahmetov («Astana»), Baqdáýlet Nuraly («Ordabasy»).