Qazaqstan jasóspirimder quramasy Slovenııadaǵy týrnırdi sátti bastady

ASTANA. KAZINFORM - Fýtboldan Qazaqstan 19 jasqa deıingi jasóspirimder quramasy Slovenııada ótip jatqan «Slovenia Nations Cup-2025» halyqaralyq týrnırin jeńispen bastady.

Otandastarymyz Birikken Arab ámirligi (BAÁ), Shotlandııa jáne Islandııa ujymdarymen sheberlik baıqasady.

Qazaqstandyq fýtbolshylar alǵashqy oıynda BAÁ quramasyn 5:1 esebimen tas-talqan etip jeńdi. El quramasynan Ábish Muhammedálı eki gol soqsa, Ismaıl Bekbolat, Ákejan Qalıqulov, Evgenıı Petrık bir-bir goldyń avtory atandy.

Bul topta slovenııalyq fýtbolshylar Shotlandııany 3:2 esebimen jeńdi.

Sondaı-aq atalǵan týrnırge Ázerbaıjan, Polsha, Farer araldary jáne Slovenııa quramalary oıyn kórsetedi.

Oqý-jattyǵý jıyny 30 tamyzda Almatydaǵy «Qaırat» akademııasynyń bazasynda bastaldy. Komandanyń aǵa bapkeri Kırıll Keker shaqyrtylǵan oıynshylar tizimin jarııalady.

Qaqpashylar: Sherhan Qalmyrza, Dıas Reımov (ekeýi de – «Qaırat»), Saıathan Qusaıynov («Aqtóbe»);

Qorǵaýshylar: Danııar Tashpýlatov, Ámirbek Bazarbaev, Raıymbek Keńesbekov (bári – «Qaırat»), Shyńǵys Qalıev («Levante», Ispanııa), Amanjol Baqytjanov («Tobyl»), Daryn Ospanov («Aqtóbe»), Abzal Saǵyn («Astana»), Temirlan Tórebek («Ertis»);

Jartylaı qorǵaýshylar: Ákejan Qalıqulov, Evgenıı Petrık, Muhamedálı Ábish (bári – «Qaırat»), Álı Aqylbaev («Shahter»);

Shabýylshylar: Karım Mahametjan, Abylaı Tóleýhan, Azamat Tuıaqbaev, Ismaıl Bekbolat (bári – «Qaırat»), Arsen Ahmetov («Astana»), Baqdáýlet Nuraly («Ordabasy»).

Eske salsaq, budan buryn fýtboldan 2026 jylǵy álem chempıonaty irikteý kezeńindegi Astanada ótetin Qazaqstan jáne Ýels quramalary kezdesýine qaı eldiń tóreshileri qyzmet atqaratyny belgili boldy.