Qazaqstan jasóspirimder quramasy shaıbaly hokkeıden halyqaralyq týrnırde top jardy

ASTANA. KAZINFORM – Qazaqstan jasóspirimder quramasy shaıbaly hokkeıden Astanada ótken Eurasia Jastar Cup halyqaralyq týrnırinde jeńiske jetti.

Sheshýshi matchta qazaqstandyq komanda Reseıdiń U16 jasóspirimder quramasymen kezdesti. Buǵan deıin qos komanda da Belarýstiń U17 quramasy men Reseıdiń áıelder quramasyn eki retten jeńgen bolatyn. Qazaqstandyq hokkeıshiler Belarýs komandasyn 3:0 esebimen, al Reseıdiń áıelder quramasyn 9:4 nátıjesimen qapy qaldyrdy. Al Reseı quramasy bul qarsylastaryn tıisinshe 2:1 jáne 10:0 esebimen jeńdi.

Fınalda qazaqstandyqtar alǵash bolyp esep ashty. Qarsylas komanda tarazy basyn teńestirgenimen, aıdyn ıelerine qaıtadan alǵa shyǵý úshin nebári 10 sekýnd jetkilikti boldy. Ekinshi kezeńde Taır Bıgarınov esepti 3:1-ge jetkizse, úshinshi kezeńde ol het-trık jasap, matchtyń núktesin qoıdy - 4:1.

Osylaısha, úsh matchtyń úsheýinde de jeńiske jetken Qazaqstan quramasy týrnırdiń jeńimpazy atandy.

Budan buryn qysqy Olımpıada aıasynda ótýi tıis áıelder arasyndaǵy Fınlıandııa men Kanada quramalarynyń oıyny norovırýs indetiniń anyqtalýyna baılanysty keıinge qaldyrylǵanyn jazǵan edik.