Qazaqstan jasóspirimder quramasy semserlesýden Azııa chempıonatynda 3 medal aldy

ASTANA. KAZINFORM – Kýveıt qalasynda semserlesýden jasóspirimder jáne kadetter arasyndaǵy Azııa chempıonaty jalǵasyp jatyr. Qazaqstan quramasy komandalyq saıysta úsh medalǵa qol jetkizdi. 

Qazaqstan erler quramasy sablıamen semserlesýden kúmis júldege ıe boldy. Ulttyq qurama atynan Nurmuhammed Jaılybaı, Qaınazar Nurqatuly, Sultan Stanbek jáne Sultan Asylbekov óner kórsetti. 

Al, Qazaqstan áıelder quramasy rapıramen semserlesýden qola júldeni enshiledi. El namysyn Sofııa Aktaeva, Alına Iskanderova, Polına Dolgopolova jáne Alena Gnoeva qorǵady. 

Sondaı-aq taǵy bir qola medaldi qazaqstandyq shpagashylar ıelendi. Georgıı Tınnıkov, Bogdan Lýkın, Ǵabıden Mustafın jáne Kırıll Prohodov jeńis tuǵyrynan kórindi.

Eske sala keteıik, buǵan deıin Qazaqstan quramasy semserlesýden Azııa chempıonatynda qola júldege ıe bolǵan edi.