Qazaqstan jasóspirimder quramasy Devıs kýbogynyń irikteý saıysyn sátti bastady

ASTANA. KAZINFORM — Shymkent qalasynda 16 jasqa deıingiler arasynda Devıs kýbogynyń Azııa — Tynyq muhıt aımaǵy boıynsha irikteý týrnıri ótip jatyr.

Qazaqstan quramasy (kapıtany Sergeı Kvak) D tobyna Qytaı, Iran jáne Jańa Zelandııa komandalarymen birge tústi.

Bastapqy matchta qazaqstandyqtar Jańa Zelandııany 3:0 esebimen oısyrata utty.

Aldymen Mıhaıl Mışenko tartysty matchta Blend Lýkýdy tize búktirdi — 6:3, 5:7, 6:4.

Sodan keıin Mansur Saıynov ıÝn Lıamaǵa es jıǵyzbady — 6:1, 6:0.

Juptyq synda Mansur Ańsar Nıetqalıevpen birge Alıvına — Lıamadan basym tústi — 6:3, 6:2.

Qazaqstan óz tobynda kósh bastasa, Qytaı ekinshi orynda. Erteń qazaqstandyq jasóspirimder Iranmen sheberlik talastyrady. Iran Qytaıǵa jol berdi — 0:3.

Eske sala keteıik, budan buryn Aleksandr Býblıktiń, ATP reıtıngisinde TOP-50-ge jaqyndaǵanyn jazǵan bolatynbyz.