Qazaqstan jasóspirimder quramasy Azııa chempıonatynda semserlesýden qola medal ıelendi

ASTANA. KAZINFORM — Qazaqstan quramasy semserlesýden Djakartada (Indonezııa) ótip jatqan jasóspirimder arasyndaǵy Azııa chempıonatynda qola medal jeńip aldy, dep habarlaıdy UOK baspasóz qyzmeti.

Otandastarymyz semserlesýden komandalyq saıysta jeńis tuǵyrynyń úshinshi satysyna kóterildi.

— Atalǵan synda Qazaqstan namysyn Kırıll Prohodov, Nurjan Ábjanov, ıAkov Fedotov, Narıman Ýálıhan qorǵady. Týrnır barysynda qazaqstandyq semserlesýshiler Jańa Zelandııany (45:31) jáne Ózbekstandy (44:33) jeńdi. Jartylaı fınalda ulttyq qurama Gonkongqa (37:45) jol berip, nátıjesinde jarysty úshinshi orynmen aıaqtady, — delingen habarlamada.

Osydan buryn Qazaqstan áıelder quramasy semserlesýden Azııa chempıonatynda qola júlde ıelengeni belgili boldy.