Qazaqstan jasóspirimder quramasy Azııa chempıonatynda rekord tirkedi
ASTANA. KAZINFORM – Búgin Shymkent qalasynda ótip jatqan nysana kózdeý men stend atýdan XVI Azııa chempıonatynda kezekti rekord jańardy.
Sportty damytý dırektsııasy málimetinshe, erler arasynda 10 metrden aralas yrǵaqta jyljymaly nysana kózdeýden Qazaqstan-1 jasóspirimder komandasy top jardy. Ramazan Hýsaınov, Shahzod Irnazarov pen Valat Mýsaev úshtigi 1065 upaı jınady.
Bul - jasóspirimder arasyndaǵy jańa Azııa rekordy. Munda kúmis Qazaqstan-2 komandasyna, qola Ózbekstanǵa buıyrdy.
Aıta keteıik, keshe Hýsaınov, Irnazarov, Mýsaevtan jasaqtalǵan komanda jyldam yrǵaqtaǵy saıysta altynnan alqa taqqan.
– Bul - men úshin ǵana emes, komandadaǵy bárimiz úshin alǵashqy Azııa chempıonaty. Jarys bastalǵan kúni qobaljydyq. Bapkerler bizge únemi keńes berip, qoldady. Baǵana rekord tirkegenimizdi solardan estidik. Áli de qýanyp turmyz. Bul bizdiń osy sporttaǵy ázirge eń iri kórsetkishimiz , - dedi Ramazan Hýsaınov marapattaýdan keıingi suhbatynda.
Aıta keteıik, Qytaıdyń Tszıanmen qalasynda voleıboldan 21 jasqa deıingiler arasynda ótip jatqan HHІІІ álem chempıonatynda Qazaqstan quramasy ekinshi jeńisine qol jetkizdi.