Qazaqstan jasóspirimder quramasy álem chempıonatynda úzdik ondyqqa kirdi

Qazaqstannyń 16 jasqa deıingiler arasynda qyzdar quramasy Ispanııanyń Kordova qalasynda ótken Billie Jean King Juniors Finals týrnıriniń qorytyndysy boıynsha úzdik ondyqqa kirdi, dep habarlaıdy Kazinform.

Qazaqstan tennıs federatsııasynan málim etkenindeı, bul 16 jasqa deıingiler arasyndaǵy qyzdar úshin alǵashqy komandalyq álem chempıonaty edi.

Qazaqstandyqtar aldymen V tobynda úshinshi orynǵa ıe boldy. Bastapqy matchta Argentına quramasyn 2:1 esebimen utqanymen, Brazılııa men Ulybrıtanııaǵa jol berdi.
Qosymsha jarysta Qazaqstan quramasy Aljırdi aıqyn basymdylyqpen tize búktirdi – 3:0. Sodan keıin Kolýmbııa men Latvııany 2:1 esebimen jeńdi.

Osylaısha, Marat Sháripovtiń shákirtteri álemniń úzdik 16 komandasynyń arasynan 9-orynǵa taban tiredi.

Dúnıejúzilik dodada el namysyn Polına Sleptsova, Anastasııa Krymkova jáne Іńkár Dúısebaı qorǵady. Komanda kapıtany Marat Sháripov.

Eske sala keteıik, budan buryn Dıas Dosqaraevtyń el quramasy sapynda oınaý úshin tolyq daıyn bolýy kerektigi týraly aıtqanyn jazǵan edik.