Qazaqstan jasóspirimderi ekinshi ret álem chempıonatynyń fınaldyq kezeńine shyqty

ASTANA. KAZINFORM — Malaızııanyń Kýchıng qalasynda 14 jasqa deıingi jasóspirimder arasynda álem chempıonaty Azııa — Tynyq muhıt aımaǵy boıynsha irikteý týrnırinde Qazaqstan quramasy sátti óner kórsetti. 

Qazaqstandyq jasóspirimder shırek fınalda kambek jasap, Qytaılyq Taıbeıdi 2:1 esebimen jeńdi.

Alǵashqy tartysty básekede Beksultan Baýyrjanov Ieng Tsengke ese jiberdi — 4:6, 6:4, 6:7 (4:7).

Ekinshi oıynda Ahmadı Maqanov Hýan Tsaıdan 6:3, 6:4 esebimen basym túsip, tarazy basyn teńestirdi.

Match taǵdyry juptyq synda sheshildi. A.Maqanov Haqnazar Jetkerbaımen birge Tsaı — Chanmen básekede jeńisti julyp aldy — 6:3, 4:6, 10:6.

Osylaısha, 14 jasqa deıingi Qazaqstan jasóspirimder quramasy óz tarıhynda ekinshi ret álem chempıonatynyń fınaldyq kezeńine joldama aldy.

Qazaqstan quramasynyń kapıtany Saǵadat Aıap Azııa — Tynyq muhıt aımaǵynda básekelestiktiń joǵary bolǵanyna qaramastan, jańa tabysqa qol jetkizgenderin atap ótti.

— Bul — Qazaqstan tennısi úshin mańyzdy jeńis. El namysy úshin aıanbaı kúresken shákirtterime rızamyn. Endi aldaǵy álem chempıonatyna myqtap daıyndalamyz, — dedi S. Aıap.

Eske sala keteıik, budan buryn Qazaqstan — Kolýmbııa matchynda Zarına Dııas pen Jibek Qulambaevanyń jeńis núktesin qoıǵanyn jazǵan bolatynbyz.