Qazaqstan jasóspirimder arasyndaǵy álem chempıonatynyń alǵashqy kúninde júldesiz qaldy

ASTANA. KAZINFORM — Tashkent qalasynda (Ózbekstan) dzıýdodan jasóspirimder arasynda álem chempıonaty bastaldy.

Qazaqstan jasóspirimder arasyndaǵy álem chempıonatynyń alǵashqy kúninde júldesiz qaldy
Foto: QR UOK

Alǵashqy jarys kúninde jeti qazaqstandyq dzıýdoshy tatamıge shyqty.

Ulttyq qurama sapynda Álisher Tursynáli 60 kelige deıingi salmaqta 1/8 fınalǵa deıin jetti. Ol bul kezeńde Djonatan ıAngqa (AQSh) jol berdi.

66 kelige deıingi salmaqta Rolan Qaıyrǵalı birinshi kezdesýinde ıspanııalyq Batyrhan Asanalıevten jeńildi. Sondaı-aq dál osy salmaqta Erasyl Erjanov Izraıl ókili Tom Sımhaevqa jol berdi.

48 kelige deıingi salmaqta Aınara Seıitjanova alǵashqy beldesýinde ózbekstandyq Lazıza Haıdarovaǵa ese jiberdi. Dál osy salmaqta Aızat Naýkenova úndistandyq Angel ıAdavtan jeńilip qaldy.

52 kelige deıingi salmaqta Nurbala Zaınýl birinshi kezdesýinde ıspanııalyq Marta Beorlegı Oseske jol berdi.

QR UOK málimetinshe, Zarına Muradasyl 57 kelige deıingi salmaqta japonııalyq Kanna Maedadan aılasyn asyra almady.

Osylaısha Qazaqstan quramasy alǵashqy jarys kúnin júldesiz aıaqtady.

Aıta keteıik, qazaq kúresin jabyq ǵımarattaǵy Azııa oıyndarynyń baǵdarlamasyna engizý usynyldy.