Qazaqstan jasóspirimderi tennısten álem chempıonatynyń irikteý týrnırinde 3-orynǵa talasady
ASTANA. QazAqparat - Shymkent qalasynda 16 jasqa deıingiler arasynda Azııa - Tynyq muhıt aımaǵy boıynsha tennısten álem chempıonaty irikteý týrnıriniń fınalısteri anyqtaldy, dep habarlaıdy QazAqparat tilshisi.
Qazaqstan tennıs federatsııasynan málim etkendeı, qazaqstandyqtar jartylaı fınalda jasóspirimder arasynda Devıs kýboginiń eki dúrkin fınalısi Ońtústik Koreıa quramasyna jol berdi.
Aldymen Zańǵar Nurlanuly Kım Mýbıbýge ese jiberdi 3:6, 0:6.
Ámir Omarhanov tarazy basyn teńestirdi. Esep 4:3 bolǵan mezette koreıalyq tennısshi raketkasyn minbege laqtyryp, ol balaǵa tıdi. Sol sebepti referı koreıalyqty oıynnan shettetti.
Úshinshi, sheshýshi oıynda Ámir Omarhanov pen Damır Jalǵasbaı qarsylastarynan utyldy - 4:6, 3:6.
Erteń Qazaqstan úshinshi oryn úshin Taıland quramasymen talasady.
Azııa - Tynyq muhıt aımaǵy boıynsha Qazaqstan, Japonııa, Ońtústik Koreıa jáne Taıland komandalary álem chempıonatyna joldama aldy.
Eske sala keteıik, budan buryn tennısten 16 jasqa deıingi el quramasy alǵash ret álem chempıonatyna joldama alǵanyn jazǵan bolatynbyz.
Sondaı-aq ıÝlııa Pýtıntseva Rım masters týrnırinde jeńilip qaldy.
