«Qazaqstan jasóspirimderi - EQYU elderiniń kóshbasshylaryna» atty shyǵarmalar baıqaýynyń qorytyndysy shyǵaryldy

«Baıqaý qorytyndylary, sonymen qatar jas qazaqstandyqtardyń halyqaralyq máselelerdi sheshýdegi Uıymnyń rólin arttyrý men barlyq múshe-memleketter turǵyndarynyń arasynda Uıymnyń tanymaldylyǵy men bedelin nyǵaıtý sııaqty EQYU qyzmetiniń ózekti máseleleri boıynsha jazǵan ótkir, tikeleı ári naqty usynystary saıasatkerler men bedeldi halyqaralyq uıym qyzmetkerleriniń nazaryn aýdardy», - dedi jeńimpazdardy marapattaý barysynda QR SІM Halyqaralyq aqparat komıtetiniń tóraǵasy Roman Vasılenko.

Bilim jáne ǵylym, Syrtqy ister mınıstrlikteriniń jaýapty qyzmetkerleri jáne Shetel ınvestorlary keńesiniń ókilderinen quralǵan qazylar alqasynyń sheshimimen bas júldege Pavlodar oblysy Ekibastuz qalasynyń №7 gımnazııa-mektebiniń 10-synyp oqýshysy ıÝlııa Býrmıstrova ıe boldy. Al 2-3-oryndardy Shymkent qalasynyń Dýlatı atyndaǵy № 8 gımnazııanyń 11 «A» synyp oqýshysy Dilnaz Irısmetova men Ekibastuz qalasyndaǵy № 1 lıtseı-mekteptiń 11 «B» synyp oqýshysy Janel Baıdildına bólisti.

Olar demeýshilerden syılyqqa noýtbýk aldy. Al gran-prı ıegeri Uıymnyń shtab-páteri ornalasqan Vena qalasyna sapar shegetin boldy. Sondaı-aq «Baldaýren» respýblıkalyq oqý-saýyqtyrý ortalyǵy úsh jeńimpazǵa Býrabaıdaǵy «Balalyq arman araly» saýyqtandyrý keshenine joldamalar berdi. Onda balalar jyldyń kez kelgen kezeńinde 21 kún tegin demalýǵa múmkindik alyp otyr.

Aıta keteıik, aǵymdaǵy jyldyń 1 qyrkúıegi men 20 qazany aralyǵynda Bilim jáne ǵylym, Syrtqy ister mınıstrlikteri jáne Shetel ınvestorlary keńesi, «Baldáýren» respýblıkalyq oqý-saýyqtyrý ortalyǵynyń qatysýymen «Qazaqstan jasóspirimderi - EQYU elderiniń kóshbasshylaryna» atty jalpyulttyq oqýshylar shyǵarmalarynyń baıqaýyn ótkizgen bolatyn. Oǵan elimizdiń túpkir túpkirinen aǵylshyn tilinde jazylǵan 200-den astam shyǵarma kelip túsken.