«Qazaqstan jasóspirimderi - EQYU elderiniń kóshbasshylaryna» atty shyǵarmalar baıqaýynyń qorytyndylary shyǵaryldy
ASTANA. 25 qarasha. QazAqparat - «Qazaqstan jasóspirimderi - EQYU elderiniń kóshbasshylaryna» atty jalpyulttyq oqýshylar shyǵarmalarynyń baıqaýynyń qorytyndylary shyǵaryldy. Bul týraly QR SІM baspasóz qyzmeti habarlady.
Baspasóz qyzmetiniń málimetinshe, baıqaýǵa qatysý úshin qazaqstandyq joǵarǵy (9-11) synyp oqýshylaryna aǵylshyn tilinde EQYU elderi basshylarynyń birine nemese barlyǵyna arnalǵan joldaý hat túrindegi, óziniń halyqaralyq qaýipsizdik pen yntymaqtastyq, qazirgi zamannyń ózekti máseleleri boıynsha jeke kózqarastaryn jetkizetin shyǵarma jazý usynyldy. Aqyrynda baıqaý uıymdastyrýshylarynyń atyna elimizdiń barlyq aımaqtarynan oqýshylardyń 200-ge jýyq shyǵarmalary tústi.
Bilim jáne ǵylym mınıstrligi men Syrtqy ister mınıstrliginiń jaýapty qyzmetkerleri jáne Shetel ınvestorlary keńesiniń ókilderinen turǵan qazylar alqasy baıqaýǵa qatysqandardyń arasynan úsh jeńimpaz tańdady.
3-orynǵa Pavlodar oblysy Ekibastuz qalasynyń № 1 lıtseı-mekteptiń 11 «B» synyp oqýshysy Janel Baıdildına ıe boldy.
2-oryn Ońtústik Qazaqstan oblysy Shymkent qalasynyń Dýlatı atyndaǵy № 8 gımnazııanyń 11 «A» synyp oqýshysy Dilnaz Irısmetovaǵa berildi.
1- oryn men gran-prıdi Pavlodar oblysy Ekibastuz qalasynyń №7 gımnazııa-mekteptiń 10 synyp oqýshysy ıÝlııa Býrmıstrova jeńip aldy.
Shetel ınvestorlary keńesine múshe kompanııalar, dálirek aıtqanda ENRC Kazakhstan, «METRO Kesh end Kerrı» JShS jáne «Mıtsýbısı Korporeıshn», jeńimpazdarǵa júldeler retinde úsh noýtbýk usynady. Gran-prı ıesine noýtbýkpen qosa «Avstrııa áýejoldarynyń» Qazaqstandaǵy ókildigi «Astana-Vena-Astana» baǵytymen áýebıletti usynady. Al «Baldaýren» respýblıkalyq oqý-saýyqtyrý ortalyǵy úsh jeńimpazǵa Býrabaıdaǵy «Balalyq arman araly» saýyqtandyrý keshenine joldamalar beredi. Onda balalar jyldyń kez kelgen kezeńinde 21 kún tegin demala alady.
Júldeler 29 qarashada saǵat 11.00-de SІM-niń Astanadaǵy baspasóz ortalyǵynda arnaıy baspasóz máslıhaty barysynda tapsyrylady.
Baıqaý barysy kórsetkendeı, EQYU-ǵa tóraǵalyǵyq etýimizdiń arqasynda Qazaqstan jastary Uıymnyń qyzmetine, Eýrazııadaǵy beıbitshilikti pen ózara túsinistikti qamtamasyz etý men adam quqyqtaryn dáripteýde memleketter arasyndaǵy yqpaldastyq máselelerine degen eleýli qyzyǵýshylyq týyp úlgerdi. Bozbalalar men boıjetkender qazirgi zamannyń ózekti máseleleri boıynsha jeke kózqarastarymen bólisip, sonymen qatar bul máselelerdiń sheshý joldaryn usyndy.
«Baıqaý qorytyndylary, sonymen qatar jas qazaqstandyqtardyń halyqaralyq máselelerdi sheshýdegi Uıymnyń rólin arttyrý men barlyq múshe-memleketter turǵyndarynyń arasynda Uıymnyń tanymaldylyǵy men bedelin nyǵaıtý sııaqty EQYU qyzmetiniń ózekti máseleleri boıynsha jazǵan ótkir, tikeleı ári naqty usynystary saıasatkerler men bedeldi halyqaralyq uıym qyzmetkerleriniń nazaryn aýdarary sózsiz», dep atap ótti QR SІM Halyqaralyq aqparat komıtetiniń tóraǵasy Roman Vasılenko.
