Qazaqstan jasóspirimderi álem chempıonatynyń joldamasy úshin Japonııamen talasady

ASTANA. QazAqparat – Malaızııanyń Kýchıng qalasynda 14 jasqa deıingiler arasynda komandalyq álem chempıonaty Azııa – Tynyq muhıt aımaǵy boıynsha irikteý kezeńiniń toptyq básekeleri aıaqtaldy, dep habarlaıdy QazAqparat tilshisi.

Qazaqstan tennıs federatsııasynyń baspasóz qyzmetinen málim etkenindeı, qazaqstandyq jasóspirimder óz tobynda úsh kezdesý ótkizdi.

Sergeı Kvaktyń shákirtteri Iordanııa men Sıngapýrdy jeńgenimen, búgin sońǵy oıynda Aýstralııaǵa ese jiberdi – 0:3.

Osylaısha, erteń Qazaqstan jasóspirimder quramasy shırek fınalda Japonııamen sheberlik baıqasady.

Japondyqtardy jeńgen jaǵdaıda qazaqstandyqtar jartylaı fınalǵa shyǵyp qana qoımaı, jazda Chehııanyń Prosteev qalasynda ótetin álem chempıonatyna joldama alady.

Eske sala keteıik, budan buryn Elena Rybakınanyń alǵash ret Maıamı masters týrnıriniń jartylaı fınalyna shyqqanyn jazǵan bolatynbyz.

Elena Rybakına Serena Ýılıamstiń tarıhı nátıjesin qaıtalady. Sondaı-aq Elena Rybakına eıs jasaý jóninen álem tennısshileriniń kóshin bastady.