Qazaqstan jasóspirimderi álem chempıonaty irikteý kezeńiniń shırek fınalyna shyqty

ASTANA. QazAqparat – Malaızııanyń Kýchıng qalasynda 14 jasqa deıingi jasóspirimder arasynda komandalyq álem chempıonaty Azııa – Tynyq muhıt aımaǵy boıynsha irikteý kezeńiniń toptyq básekesi ótip jatyr, dep habarlaıdy QazAqparat tilshisi.

Qazaqstan tennıs federatsııasynyń baspasóz qyzmetinen málim etkenindeı, jarystyń ekinshi kúni qazaqstandyq jasóspirimder Sıngapýr quramasyn 2:1 esebimen utty.

Aldymen Mıhaıl Mışenko tartysty básekede qarsylasyna jol berdi – 4:6, 6:3, 3:6. Ekinshi oıynda sıngapýrlyq tennısshini 6:4, 1:6, 6:3 esebimen tize búktirip, tarazy basyn teńestirdi. Sheshýshi, juptyq synda Mıhaıl Mansur Qazaqstan quramasyna jeńis áperdi – 6:2, 6:3.

Osylaısha, qazaqstandyq jasóspirimder merziminen buryn shırek fınalǵa joldama aldy. Erteń Qazaqstan quramasy irikteý kezeńinde birinshi raketka bolyp tirkelgen Aýstralııamen kezdesedi. Osy matchta qaı komandanyń shırek fınalǵa birinshi orynmen shyǵatyny belgili bolady.

Eske sala keteıik, budan buryn Qazaqstan jasóspirimderiniń tennısten álem chempıonatyna irikteý satysyn sátti bastaǵanyn jazǵan bolatynbyz.

Sondaı-aq qazaqstandyq tennısshi Frantsııada negizgi týrnırge joldama aldy.

Elena Rybakına Maıamı masters týrnıriniń ¼ fınalyna shyqty.

11 ret qatarynan jeńiske jetken Rybakına aldaǵy match ta ońaıǵa túspeıtinin aıtty.

Elena Rybakına qatarynan úsh matchta 10-nan astam eıs jasaǵan birinshi tennısshi atandy.