Qazaqstan jasóspirimder sýıtsıdiniń aldyn alýda oń nátıjelerge qol jetkizdi
ALMATY. QazAqparat - Qazaqstan jasóspirimder men balalar arasyndaǵy sýıtsıdti azaıtý boıynsha Ortalyq Azııada naqty qadamdarǵa barǵan alǵashqy el. Osyndaı pikirimen ıÝNISEF-tiń Qazaqstandaǵy balalar qorynyń ókili ıÝrıı Oksamıtnyı bólisti, dep habarlaıdy QazAqparat tilshisi.
«Sýıtsıd - ǵalamdyq problema. Qazaqstan Ortalyq Azııada birinshi bolyp jasóspirimder men balalar arasyndaǵy sýıtsıd kórsetkishin azaıtý maqsatynda naqty qadamdarǵa barǵan el. Qyzylorda oblysyndaǵy pılottyq baǵdarlama boıynsha sýıtsıd kórsetkishi 3 jylda 4 esege azaıǵan. Endi bul jobany barlyq óńirlerde engizýge kirisip jatyrmyz. Bizdiń tájirıbemiz álemdik ǵylymǵa qosqan azdy-kópti úlesimiz bolyp otyr», - dedi ıÝrıı Oksamıtnyı. 
Al Shvetsııadan kelgen sarapshy, Sýıtsıd pen psıhıkalyq aýrýlardy zertteý ulttyq ortalyǵynyń professory Vladımır Karlı bul qadamǵa kóbinese qoǵam qabyldamaǵan adamdar baratynyn aıtty.
«Sýıtsıd qoǵamda stıgmalanǵan taqyryp. Ol týraly aıtý tabý. Adamdar qorqady, qysylady. Adamdy óz problemasymen qaldyrmaý qajet. Adam qoǵamnan kómek suraıtyn jaǵdaı týǵyzý kerek», - dedi V.Karlı.
Aıta ketý kerek, Almatyda balalar men jasóspirimderdiń psıhıkalyq densaýlyǵyn nyǵaıtý boıynsha ótken konferentsııa ótti. Alys-jaqyn shetelden jınalǵan mamandar, sarapshylar osy baǵyttaǵy ǵylymı tájirıbelerimen, sheshý joldarymen bólisti.
