Qazaqstan jasóspirimder quramasy ÁCh irikteý týrnıriniń shırek fınalyna shyqty
NUR-SULTAN. QazAqparat – Tennısten Qazaqstan jasóspirimder quramasy Nıý-Delı qalasynda 14 jasqa deıingiler arasynda ótip jatqan álem chempıonaty Azııa/Tynyq muhıt aımaǵy irikteý týrnıriniń shırek fınalyna shyqty, dep habarlaıdy QazAqparat tilshisi.
Qazaqstan tennıs federatsııasy málim etkenindeı, qazaqstandyq qyzdar búgin óz tobynda Iran quramasyn 3:0 esebimen utty.
Áýeli Eva Korysheva jarty saǵat ishinde Farda Alımıdi tas-talqan etti – 6:0, 6:0.
Arıana Gogýlına ıAsaman ıAzdanıdan 6:3, 6:3 esebimen basym tústi.
Juptyq synda E.Korysheva men Sátıma Tóregen qarsylastaryn 6:1, 6:2 esebimen jeńdi.
Osylaısha Qazaqstan jasóspirimder quramasy merziminen buryn shırek fınalǵa joldama aldy.
Erteń Qazaqstan Ózbekstan quramasymen sheberlik baıqasady.
Shırek fınal jerebesi 20 sáýir kúni keshkisin tartylady.
Іrikteý týrnırinde úzdik atanǵan úsh komanda álem chempıonatynyń fınaldyq kezeńine shyǵady.
Eske sala keteıik, budan buryn Qazaqstan jasóspirimder quramasynyń ÁCh irikteý týrnırin jeńispen bastaǵanyn jazǵan bolatynbyz.
