Qazaqstan jasóspirimder quramasy ÁCh irikteý týrnırin jeńispen bastady
NUR-SULTAN. QazAqparat - Úndistannyń Nıý-Delı qalasynda 14 jasqa deıingiler arasynda álem chempıonatyna Azııa/Tynyq muhıt aımaǵynan irikteý týrnıri bastaldy, dep habarlaıdy QazAqparat tilshisi.
Qazaqstan tennıs federatsııasy málim etkenindeı, qazaqstandyq qyzdar D tobynda alǵashqy matchynda Nepal quramasyn 3:0 esebimen oısyrata utty.
Sátıma Tóregen Adııa Podıalǵa birde-bir geım bergen joq - 6:0, 6:0.
Arıana Gogýlına Sýnıra Tapaǵa esh múmkindik qaldyrǵan joq - 6:1, 6:1.
Juptyq synda Eva Korysheva men Sátıma Tóregen de qarsylastaryn bet qaratpaı jeńdi - 6:1, 6:0.
Erteń qazaqstandyq jasóspirimder Iran quramasymen oınaıdy. Búgin ırandyqtar Ózbekstanǵa 1:2 esebimen jol berdi.
Eske sala keteıik, budan buryn Qazaqstan jasóspirimder quramasynyń qarsylastary anyqtalǵanyn, qazaqstandyq tennısshilerdiń álemdik reıtıngide joǵary kóterilgenin jazǵan bolatynbyz.
