Qazaqstan jasóspirimder quramasy ÁCh irikteý kezeńiniń jartylaı fınalyna shyqty
NUR-SULTAN. QazAqparat – Tennısten Qazaqstan jasóspirimder quramasy Nıý-Delı (Úndistan) qalasynda 14 jasqa deıingiler arasynda ótip jatqan álem chempıonaty Azııa/Tynyq muhıt aımaǵy irikteý kezeńiniń jartylaı fınalyna shyqty, dep habarlaıdy QazAqparat tilshisi.
Qazaqstandyq shırek fınalda Gonkong quramasymen kúsh synasty.
Qazaqstan quramasyna alǵashqy jeńisti Damır Jalǵasbaı áperdi. Ol qarsylasyn 6:3, 6:1 esebimen tize búktirdi.
Sodan keıin komanda kóshbasshysy Zańǵar Nurlanulyna kezek keldi – 6:4, 6:1.
Erteń Qazaqstan quramasy (kapıtany Sergeı Kvak) jartylaı fınalda Ońtústik Koreıamen kezdesedi.
Ońtústikkoreıalyqtar tartysty matchta Úndistandy 2:1 esebimen jeńdi.
Іrikteý saıystarynan úzdik shyqqan úsh komanda álem chempıonatynyń fınaldyq kezeńine joldama alady.
Eske sala keteıik, budan buryn Aleksandr Býblıktiń «Men – qazaqpyn» dep aıtqanyn, tennısshi Andreı Golýbevtiń Mıýnhen týrnıriniń jartylaı fınalyna shyqqanyn jazǵan bolatynbyz.
