Qazaqstan jasóspirimder quramasy ÁCh irikteý kezeńiniń shırek fınalyna shyqty
NUR-SULTAN. QazAqparat – Qazaqstan jasóspirimder quramasy 14 jasqa deıingiler arasynda Úndistannyń Nıý-Delı qalasynda ótip jatqan Álem chempıonaty Azııa/Tynyq muhıt aımaǵy irikteý kezeńiniń shırek fınalyna shyqty, dep habarlaıdy QazAqparat tilshisi.
Qazaqstan tennıs federatsııasy málim etkenindeı, qazaqstandyq jasóspirimder D tobynda Indonezııa quramasyn 3:0 esebimen tize búktirdi.
Aldymen Danıel Tazabekov Kader Basıthýdy 6:2, 6:1 esebimen utty.
Zańǵar Nurlanuly Lıta Djabandýdy 6:2, 6:0 esebimen jeńip, Qazaqstan quramasyna ekinshi upaıdy áperdi.
Sosyn Zańǵar Damır Jalǵasbaımen birge juptyq synda da qarsylastaryn qapy qaldyrdy.
Osylaısha, Qazaqstan jasóspirimder quramasy merziminen buryn irikteý saıystarynyń shırek fınalyna joldama aldy.
Erteń qazaqstandyqtar óz tobynda Pákstanmen oınaıdy.
Shırek fınal jerebesi 27 sáýir kúni keshkisin tartylady.
Álem chempıonatynyń fınaldyq kezeńine úzdik tórt komanda shyǵady.
Eske sala keteıik, budan buryn Qazaqstan quramasynyń Devıs kýbogyndaǵy qarsylastary anyqtalǵanyn jazǵan bolatynbyz.
