Qazaqstan jasóspirim tennısshileri álem chempıonatynan tys qaldy

ASTANA. QazAqparat – Malaızııanyń Kýchıng qalasynda 14 jasqa deıingiler arasynda tennısten komandalyq álem chempıonaty Azııa – Tynyq muhıt aımaǵy boıynsha irikteý kezeńiniń shırek fınaldyq matchtary máresine jetti, dep habarlaıdy QazAqparat tilshisi.

Qazaqstan tennıs federatsııasynyń baspasóz qyzmetinen málim etkendeı, qazaqstandyq jasóspirimder shırek fınalda Japonııa komandasyna ese jiberdi – 0:2.

Jekeleı synda Mıhaıl Mışenko men ıAroslav Pshenıchnyı qarsylastaryna jol berdi. Japondyqtar juptyq synda kortqa shyqqan joq.

Sergeı Kvaktyń shákirtteri óz tobynda Iordanııa men Sıngapýrdan basym tústi. Sosyn irikteý kezeńiniń birinshi raketkasy bolyp tirkelgen Aýstralııadan utyldy – 0:3.

Osylaısha, Qazaqstan jasóspirimder quramasy álem chempıonatynyń fınaldyq kezeńine óte almady. Joldamaǵa jartylaı fınalǵa shyqqan Japonııa, Ońtústik Koreıa, Aýstralııa jáne Taıland komandasy ıe boldy.

Ótken jyly qazaqstandyq jasóspirimder álem chempıonatyna qatysyp, úzdik tórttikke ilikken edi.

Eske sala keteıik, budan buryn Elena Rybakınanyń Maıamı masters týrnıriniń jartylaı fınalyna shyqqanyn jazǵan bolatynbyz.

Sondaı-aq qazaqstandyq tennısshi Ispanııadaǵy jarystyń shırek fınalyna ótti.

Elena Rybakınanyń Maıamıde jartylaı fınaldaǵy qarsylasy kim ekeni belgili boldy.