Qazaqstan jasandy ıntellektige daıyndyq reıtınginde 4 satyǵa tómendedi

ASTANA. KAZINFORM —  Ulybrıtanııadaǵy Oxford Insights taldaý jáne konsaltıng kompanııasy álemdegi 188 memlekettiń jasandy ıntellektini damytyp, paıdalanýǵa daıyndyq ındeksin jarııalady. 

Aıta ketý kerek, ındeks 2024 jylǵy kórsetkishter negizinde túzilgen. Qazaqstan bul reıtıngte 51,41 balmen 76 orynǵa tústi. Tústi deıtinimiz, 2023 jyldyń kórsetkishi boıynsha Qazaqstan 72 orynda bolǵan edi. Alaıda ol kezde ındekstik máni 48,56 ball bolǵan. Budan Qazaqstan óz kórsetkishin birtindep jaqsartyp jatqanda qalǵan elder áldeqaıda qarqyndy serpilis jasaǵanyn kóremiz.

Reıtıng avtorlary memleketterdiń daıyndyǵyn baǵalaý úshin memlekettik basqarý, tehnologııalyq múmkindik, ınfraqurylym sııaqty úsh baǵytqa bólingen 40 kórsetkishti qoldanady.

Qazaqstan memlekettik basqarý kórsetkishteri boıynsha 54,75 ball (2023 jyly — 48,56), tehnologııalyq múmkindik boıynsha 33,54 ball (30,97); ınfraqurylym boıynsha 65,93 ball (66,13) alǵan.

Buǵan deıin elimizde jasandy ıntellekt salasynda 7 ulttyq standart ázirlenetinin jazǵan edik.