Qazaqstan jas karateshileri Azııa chempıonatynda úzdik úshtikke ilikti

ASTANA. KAZINFORM — Manıla qalasynda (Fılıppın) WKF karateden jasóspirimder men jastar arasynda Azııa chempıonaty máresine jetti.

Sportty damytý dırektsııasynan málim etkendeı, atalmysh dodaǵa 30 elden 600 qatysýshy baq synady.

Birinshilik qorytyndysynda 4 altyn, 6 kúmis, 4 qola enshilegen Qazaqstan quramasy jalpykomandalyq esepte úshinshi orynǵa qol jetkizdi. 

Karate otany Japonııa komandasy 25 medalmen (16 altyn, 1 kúmis, 8 qola) top jarsa, Iran eli (10 altyn, 4 kúmis, 9 qola) ekinshi satyǵa ornyqty. 

Alǵashqy jarys kúni 14-15 jas aralyǵyndaǵylardan Nýrınısa Daıyrhan (47 kkg), Perızat Aldabergen (61 kg), Ómirzaq Aqsultan (70 kg) kúmis, Ásemaı Altynbek (54 kg) pen Múslıma Ernazar (+61 kg) qola medalmen marapattaldy. 

Jarystyń sońǵy kúni 18-20 jas aralyǵynda Daıana Darenskaıa (61 kg) men Venera Jaqsybaeva (68 kg) altynnan alqa taqsa, Asylaı Savıdova (+68 kg) kúmiske qol jetkizdi. 

16-17 jas aralyǵynda Ergenbaı Beıbarys (68 kg) pen Qadyrǵalı Álıhan (76 kg) chempıon atansa, Ábdiqadyr Mıras (55 kg), Dııana Serǵazına (48 kg) kúmis, Gúlnur Qoıshybaı (59 kg), Alýa Jumadildá (+66 kg) qolany qanaǵat tutty.

Posmotret etý pýblıkatsııý v Instagram

Pýblıkatsııa ot Sportty damytý dırektsııasy (@drs_kz)

Eske sala keteıik, budan buryn Azııa oıyndarynda karateshi Nurqanat Ájiqanovtyń Qazaqstan qorjynyna segizinshi altyn medaldi salǵanyn jazǵan bolatynbyz.