Qazaqstan Japonııaǵa jylqy etin eksporttaıdy
«Ótken jyly Qytaı Halyq Respýblıkasymen shoshqa etine, sút ónimderine, júnge arnalǵan veterınarlyq talaptar, zyǵyr tuqymyna, bıdaı unyna jáne quramajemge qoıylatyn fıtosanıtarlyq talaptar kelisildi. Birneshe jyl buryn Qytaı Halyq Respýblıkasy engizgen aýsyl jáne nodýlıarlyq dermatıt boıynsha shekteýler alynyp tastaldy. Bul óz kezeginde qazaqstandyq et ónimderi úshin QHR naryǵyna jol ashty», - dedi mınıstr.
Sondaı-aq ol Qazaqstannan Iranǵa soıýǵa arnalǵan tiri iri qara maldy, sıyr etin, usaq maldyń sýbónimderin, taǵamdyq jumyrtqany eksporttaýǵa qoıylatyn veterınarlyq talaptar kelisilgenin aıtty.
«Japonııaǵa jylqy etin eksporttaýǵa arnalǵan veterınarlyq sertıfıkat kelisildi. Bul otandyq ónimdi úshinshi elge eksporttaýǵa múmkindik beredi. Nátıjesinde ótken jyldyń qorytyndysy boıynsha Qazaqstannan shyǵarylatyn AÓK eksporty Qytaıǵa - 50,5 paıyzǵa, Parsy shyǵanaǵy elderine - 3,2 ese, Ortalyq Azııa elderine - 7,4 paıyzǵa, EAEO elderine 8,2 paıyzǵa ulǵaıdy. Jalpy AÓK eksporty ótken jyldyń qorytyndysy boıynsha 6,4 paıyzǵa ósip, 3,3 mlrd AQSh dollaryn qurady», -dedi Saparhan Omarov.