Qazaqstan Japonııaǵa gýmanıtarlyq kómek kórsetýde
ASTANA. 12 sáýir. QazAqparat /Gúlmıra Álıakparova/ - Qazaqstan Japonııaǵa gýmanıtarlyq kómek kórsete bastady.
Bul týraly QR Tótenshe jaǵdaılar mınıstrliginen habarlady.
«Memleket basshysynyń tapsyrmasyna sáıkes Qazaqstan Respýblıkasy Úkimetiniń qaýlysy boıynsha QR Tótenshe jaǵdaılar mınıstrligi Japonııaǵa 83 250 banki temir qalbyrdaǵy et jáne 918 keli zararsyzdandyrý quraldary túrinde gýmanıtarlyq júk jóneltedi», - delingen habarlamada.
Materıaldyq qundylyqtar QR TJM Memlekettik materıaldyq rezervter jónindegi komıtetiniń qoımalarynan tıeldi. Gýmanıtarlyq júkti Narıtanyń (Japonııa) áýejaıyna deıin QR TJM-nyń avıatsııasy jetkizetin bolady. 42 480 banki et qutysy tıelgen júktiń birinshi reısi 2011 jyldyń 11 sáýirinde jóneltildi.
