Qazaqstan Japonııadaǵy qalǵan otandastarymyzdy elge ákelý úshin taǵy da arnaıy reıs jiberdi - SІM

Bul týraly syrtqy ister vedomstvosynyń baspasóz qyzmetinen habarlady.

Ushaq jergilikti ýaqyt 22.20-de (jergilikti ýaqytpen) áýege kóteriledi dep josparlanýda.

Eger Japonııada qalǵan qazaqstandyqtar arasynda osy ushaqpen elge oralýǵa nıettiler bolǵan jaǵdaıda, Qazaqstan elshiliginiń qyzmetkerlerimen 090-8779-2706, 080-6753-3535, 080-4383-130 uıaly baılanys nómirleri arqyly habarlasýyna bolady.

Budan buryn habarlaǵanymyzdaı, 15 naýryz kúni tańerteńgi saǵat 8-de bortynda Japonııadan elge qaıtarylǵan 85 azamat bar QR TJM-niń Tý-154 ushaǵy Almaty áýejaıyna qondy. Onyń 69-y Qazaqstan, 16-sy Qyrǵyzstan azamattary.

Esterińizge sala keteıik, 11 naýryzda Japonııada joıqyn jer silkinisi boldy. Jerasty dúmpýleri Tokıoda sezilip, ǵımarattardyń ishinde jıhazdar qulap, tereze shynylary zaqymdanǵan. Jer silkinisiniń qýaty 8,9 baldy quraǵan. Al zilzala oshaǵy 10 shaqyrym tereńdikte ornalasqan. 17 naýryzdaǵy málimetter boıynsha, joıqyn zilzala saldarynan qaza tapqandar men iz-túzsiz joǵalǵandardyń sany 15 myń adamnan asady. Bul týraly jergilikti BAQ aqparattaryna silteme jasaı otyryp Ýtro.rý agenttigi habarlady. .Polıtsııa málimetterine súıensek, opat bolǵandardyń sany 5 myń 426 adamdy quraıdy. Al 9 myń 594 adamnan habar-oshar joq.

QR SІM baspasóz qyzmetiniń málimetinshe, 11 naýryz kúni Japonııany sharpyǵan surapyl tabıǵı apatqa baılanysty, Qazaqstan Prezıdenti Nursultan Nazarbaev Kúnshyǵys eliniń halqyna kóńil aıtý jedelhatyn joldady. Qazaqstan osynshama qasiretti kezeńde dostas japon halqyna jan-jaqty járdem berýge, onyń ishinde gýmanıtarlyq kómek, qutqarýshylar men ózge de qajetti mamandardy jiberý arqyly qol ushyn berýge daıyn ekendigin bildirdi. Búgingi tańda japon taraby kómektiń naqty mólsheri men túrin aıqyndaýda.