Qazaqstan jankúıerleri ÝEFA reıtınginde 5-oryn aldy
ASTANA. QazAqparat - 2015/16 maýsymyndaǵy ÝEFA feır-pleıiniń reıtıngi jarııa etildi. Ol 2015 jyldyń 1 mamyry men 2016 jyldyń maýsymy aralyǵynda ÝEFA qamqorlyǵymen ótken klýb jáne qurama oıyndaryn qamtıdy.
Esepti kezeńde qazaqstandyqtar 87 oıynǵa qatysty. Bul jaıynda QazAqparat Qazaqstan Fýtbol federatsııasyna silteme jasap habarlaıdy.
Jańa reglamentke sáıkes, feır-pleıdiń birden birneshe reıtıngi ázirlenedi. Jeńimpaz úsh sanat boıynsha anyqtalady: kórermenniń tártibi, maýsym ishindegi barynsha joǵary ilgerileýshilik jáne feır-pleıdiń jalpy reıtıngi.
Kórermenniń tártibi boıynsha elimiz 8,617 upaı jınap, besinshi orynǵa turaqtady. Al bastapqy tórt orynda Estonııa, Islandııa, Norvegııa jáne Ýels elderi tur. Bul kórsetkishte Qazaqstan Ispanııa, Anglııa, Frantsııa, Germanııa syndy kóptegen eldiń aldyn orady.
Maýsym ishindegi barynsha joǵary ilgerileýshilik sanatynda Qazaqstan 9-orynda tur. 2016 jylǵy maýsymmen salystyrǵanda elimiz 2016 jyly 0,379 ball jınady. Bul sanatta Belarýs kósh bastasa, ekinshi orynda Ázerbaıjan, al úzdik úshtikti Latvııa tuıyqtaǵan.
Feır-pleıdiń jalpy reıtınginde Norvegııa 8,469 upaımen birinshi orynda. Odan keıingi oryndarǵa Fınlıandııa men Shvetsııa jaıǵasqan. Qazaqstan 15 satyda elimizdiń jalpy upaıy - 8,258 ball.
ÝEFA reıtıngi jeńimpazdaryna 50 myń eýro bóldi. Qarjy ádil oıyn men qurmet kórsetý jobalaryn júzege asyrýǵa jumsalady. Bıyl mundaı kólemdegi qarjy Estonııa, Belarýs jáne Norvegııa elderine buıyrdy.
