15:19, 02 Sáýir 2024 | GMT +5
Qazaqstan jáne Túrikmenstan gaz salasyndaǵy seriktestikti talqylady
ASTANA. KAZINFORM - «QazaqGaz» UK» AQ Basqarma tóraǵasy Sanjar Jarkeshov Ashhabadqa sapary aıasynda Túrikmenstannyń mınıstrler kabıneti tóraǵasynyń orynbasary Batyr Amanov jáne «Türkmengaz» memlekettik kontserniniń tóraǵasy Maqsat Babaevpen kezdesti, dep habarlaıdy «QazaqGaz» UK» AQ baspasóz qyzmeti.
Ekijaqty kelissózder aıasynda taraptar qos memlekettiń gaz salasyndaǵy seriktestigin nyǵaıtý jolyndaǵy josparlaryn talqylady.
Jekeleı alsaq, taraptar óndirý aktıvterin birlesip ıgerý, eki el terrıtorııasyndaǵy gaz jobalaryn júzege asyrý men ózara tıimdi sharttar aıasynda gaz jetkizý máseleleri týraly sóz qozǵady.
Kezdesý sońynda taraptar gaz salasyndaǵy seriktestikti keńeıtýge daıyn ekendikterin jetkizdi.