Qazaqstan jáne Sıngapýr shahmat sheberleri onlaın match ótkizdi
NUR-SULTAN. QazAqparat – Qazaqstan men Sıngapýrdiń jasóspirimder men 12, 14, 16, 18 jáne 20 jasqa deıingi qyzdar quramalary arasyndaǵy halyqaralyq onlaın match Nur-Sultan ýaqytymen saǵat 14:00-de bastaldy, dep habarlaıdy QazAqparat Qazaqstan shahmat federatsııasynyń saıtyna silteme jasap.
Qazaqstan shahmat federatsııasy el quramasynyń quramyn bekitti. Memleket atynan erler men 12, 14, 16, 18 jáne 20 jasqa deıingi qyzdar arasynda 20 shahmatshy shyǵady.
Jasóspirim jigitter quramasyna engender: Jandos Aǵmanov, Sultan Amanjol, Ramazan Jalmahanov, Álramı Aldabergenov, Qazybek Nógerbek, Aıtýar Júkenov, Sátbek Ahmetdınov, Tımýr Kenbeılov, Aldııar Ańsat, Danııal Sapenov.
Jasóspirim qyzdar quramasynda oınaıtyndar: Ámına Qaıyrbekova, Zeınep Sultanbek, Saqypjamal Barmaǵambetova, Araılym Álipbek, Ksenııa Balabaeva, Lııa Qurmanǵalıeva, Alýa Nurmanova, Aıaýlym Qaldarova, Zarına Nurǵalıeva, Qalıza Aıjaryq.
Qazaqstan men Sıngapýr arasyndaǵy matchty uıymdastyrýshylardyń biri sıngapýrlik grossmeıster Kevın Go, ol koronavırýs ınfektsııasynan zardap shekken otbasylarǵa qoldaý kórsetetin #ChessAgainstCovid bastamashyl tobyn qurǵan.
Match Twitch jáne Lichess.org platformalarynda kórsetilip jatyr. Matchty erler quramasynyń kóshbasshysy, halyqaralyq grossmeıster Rınat Jumabaev pen sıngapýrlik halyqaralyq grossmeıster Kevın Go júrgizip otyr.
Shara Qazaqstan men Sıngapýrdiń ulttyq shahmat federatsııalarynyń jáne Qazaqstan Respýblıkasy men Sıngapýr Respýblıkasy elshilikteriniń qoldaýymen ótip jatyr.
