Qazaqstan jáne Reseıdiń syrtqy saıası vedomstvolary konsýltatsııalar ótkizdi
ASTANA. QazAqparat - Saıası yntymaqtastyq josparyn iske asyrý aıasynda Qazaqstan jáne Reseıdiń syrtqy ister mınıstrlikteri arasynda konsýltatsııalar ótkizildi, dep habarlaıdy QR SІM baspasóz qyzmeti.
Qazaqstandyq delegatsııany Syrtqy ister mınıstriniń orynbasary Ǵalymjan Qoıshybaev, reseılik delegatsııany Syrtqy ister mınıstriniń orynbasary - stats-hatshysy Grıgorıı Karasın basqardy.
Taraptar ekijaqty yntymaqtastyqty damytýdyń jaǵdaıyn jáne olardy damytý keleshegin, Ortalyq Azııadaǵy jaǵdaıdy, kópjaqty qaýymdastyqtaǵy ózara árekettestikti, sondaı-aq aımaqtyq qaýipsizdikti damytý máselelerin talqylady.
Konsýltatsııalardyń qorytyndysynda delegatsııa basshylary Qazaqstan men Reseıdiń memleketaralyq qatynastardyń barlyq salalarynda ózara is-qımylynyń joǵary deńgeıin atap ótti.
Ekijaqty yntymaqtastyqty keńeıtý jáne tereńdetý, ıntegratsııalyq baılanystardy, aımaqtyq turaqtylyq pen qaýipsizdikti nyǵaıtý maqsatynda eki eldiń syrtqy saıası vedomstvolary atqaryp otyrǵan jumystyń mańyzdylyǵy atap ótti.
