Qazaqstan jáne Reseıdiń Eńbek mınıstrlikteri yntymaqtastyq týraly memorandým jasasty
ASTANA. QazAqparat - QR Eńbek jáne halyqty áleýmettik qorǵaý mınıstri Tamara Dúısenova men Reseı Federatsııasynyń Eńbek jáne halyqty áleýmettik qorǵaý mınıstri Maksım Topılın TMD-ǵa múshe memleketterdiń Eńbek, kóshi-qon jáne halyqty áleýmettik qorǵaý jónindegi Konsýltatıvtik keńes aıasynda ózara ekijaqty kezdesý ótkizdi, dep habarlaıdy QazAqparat.
Osynyń aıasyna Tamara Dúısenova men Maksım Topılın yntymaqtastyq týraly memorandýmǵa qol qoıdy.
Ekijaqty yntymaqtastyq jobasy taraptardyń halyqaralyq quqyqtyq normalar men ulttyq zańnamalaryna sáıkes uzaq merzimdi jáne turaqty negizde tıimdi, ári teń quqyly, ózara is-qımyldarǵa múddeli ekendigimen tyǵyz baılanysty bolyp otyr.
Birlesken jobanyń maqsaty - áleýmettik-eńbek salasynda dostyq qarym-qatynastardy damytý jáne nyǵaıtý bolyp tabylady.
Birikken jumys jospary birneshe baǵytty qamtıdy. ıAǵnı, taraptar jumyspen qamtý jáne halyqty áleýmettik qorǵaý salasyndaǵy zańnamalyq jáne ózge de normatıvtik quqyqtyq aktilermen ózara almasýdy kózdep otyr. Qujattyń taǵy bir mańyzdylyǵy - halyqty jumyspen qamtý jáne halyqty áleýmettik qorǵaý salasynda tájirıbe almasýǵa ýákiletti memlekettik organdardyń yntymaqtastyǵyn arttyrý.
Sonymen birge atalǵan Memorandým birlesken kezdesýler, konsýltatsııalar, ǵylymı-praktıkalyq semınarlar, konferentsııalar, dóńgelek ústelder jáne basqa da is-sharalar ótkizýde eki el arasyndaǵy qatynasty nyǵaıtýǵa baǵyttalǵan.
Mınıstrlik ókilderiniń aıtýynsha, qujat eki memlekettiń áleýmettik-eńbek qatynastary salasyndaǵy memlekettik saıasatty tıimdi júzege asyrý baǵytyndaǵy yntymaqtastyqtyń barlyq aspektilerin qamtıdy.
Memleket basshysy N.Á.Nazarbaev Chelıabınskidegi Qazaqstan men Reseıdiń aımaqaralyq yntymaqtastyǵy forýmynda, qos memlekette iske asyrylatyn kásiptik standarttardyń damýyn sınhrondaý miselesin kótergen bolatyn. Bul kezdesý Elbasynyń osy tapsyrmasy sheńberinde iske asty.
Sonymen birge EAEO-qa múshe elderdiń ulttyq júıeleriniń erekshelikteri eskerile otyryp, qyzmetkerlerdi zeınetaqymen qamsyzdandyrýǵa qatysty daýly máselelerdi retteý jumystaryn jedeldetý jáne birikken Eýrazııalyq elektrondy eńbek bırjasyn qurý maqsatynda da bul kezdesýdiń mańyzy joǵary.
Eske sala ketsek, Reseıdiń Sankt-Peterbýrg qalasynda TMD-ǵa qatysýshy memleketterdiń Eńbek, kóshi-qon jáne halyqty áleýmettik qorǵaý máseleleri boıynsha Konsýltatıvtik keńesniń 30-shy otyrysy ótti. Jıynda TMD memleketteriniń tıisti mınıstrlikteri, vedomstvo basshylary men sarapshylar áleýmettik-eńbek jáne kóshi-qon salasynyń ózekti máseleleri talqylandy.
