Qazaqstan jáne Reseı ıadrolyq energetıka salasyndaǵy yntymaqtastyq týraly kelisimge qol qoıdy

ASTANA. QazAqparat - Venada Atom energetıkasy jónindegi halyqaralyq agenttigi (AEHA) bas konferentsııasynyń 61-sessııasy sheńberinde Qazaqstan Respýblıkasy Úkimeti men Reseı Federatsııasy Úkimeti arasynda ıadrolyq energetıkalyq saladaǵy ǵylymı zertteýler men ázirlemelerdegi yntymaqtastyq týraly kelisimge qol qoıyldy, dep habarlaıdy QR Energetıka mınıstrliginiń baspasóz qyzmeti.

Sonymen qatar taraptar Qazaqstan Respýblıkasy Úkimeti 1995 jyly 20 qańtarda bekitken Qazaqstan Respýblıkasy Úkimeti men Reseı Federatsııasy Úkimeti arasyndaǵy ıAdrolyq oq-dárilerdi kádege jaratý kezindegi yntymaqtastyq jáne ózara esep aıyrysý týraly kelisimniń hattamasyna qol qoıdy.

Budan basqa Atom energııasy jónindegi eýropalyq qoǵamdastyq ókilderimen ekijaqty kezdesý ótti. Atom energııasyn beıbit maqsatta paıdalaný salasynda, atap aıtqanda ıadrolyq qaýipsizdik, ıadrolyq tehnologııalardy damytý jáne ǵylymı tehnıkalyq yntymaqtastyq máseleleri jónindegi yntymaqtastyqtyń negizgi baǵyttary boıynsha máseleler joǵary dárejede talqylandy.

 

Aıta keterligi, 18-22 qyrkúıekte Avstrııa astanasynda atom energııasyn beıbit maqsatta paıdalaný salasyndaǵy jyl saıynǵy forým - AEHA bas konferentsııasynyń 61-sessııasy ótip jatyr. Konferentsııaǵa AEHA-ǵa múshe memleketterdiń ulttyq delegatsııalary qatysady.

QR Energetıka mınıstri Qanat Bozymbaev Qazaqstan delegatsııasy atom energııasyn beıbit maqsatta qoldaný salasyndaǵy yntymaqtastyqty damytý jáne nyǵaıtýdaǵy Qazaqstan Respýblıkasynyń úlesi týraly baıandama jasady. Mınıstrdiń basshylyǵymen elimizdiń delegatsııasy AEHA bas konferentsııasynyń jyl saıynǵy sessııalaryna dástúrli túrde qatysyp keledi.

 

Bas konferentsııa barysynda Q. Bozymbaev AQSh Energetıka mınıstri Rık Perrı jáne Ýkraınanyń Energetıka jáne kómir ónerkásibi mınıstri Igor Nasalıkpen atom energetıkasyn damytýdyń negizgi máseleleri boıynsha oı-pikirlerimen almasý maqsatyndaǵy ekijaqty kezdesý ótkizdi.

Budan basqa konferentsııa sheńberinde «QR Ulttyq ıadrolyq ortalyǵy» RMK jáne «Qazatomónerkásip» UAK» AQ atom energetıkasy salasyndaǵy QR jetistikterine arnalǵan kórme/saıd-ıvent uıymdastyrdy.

Venadaǵy is-sharanyń kúntártibinde ıadrolyq qarýdy taratpaýǵa qatysty jahandyq máselelerdi talqylaý, energııaǵa bolashaq suranysty qanaǵattandyrý, ıadrolyq qaýipsizdikti qamtamasyz etý, ıadrolyq energııa jáne tehnıkalyq yntymaqtastyq, sonymen qatar agenttiktiń qyzmetindegi basqa da mańyzdy máseleler talqylanady.