Qazaqstan jáne Reseı oqýshylary birigip «Qarajorǵa» bıledi
ALMATY. QazAqparat - Almaty qalasynyń 103 gımnazııa jáne Habarovsk qalasynyń 26 gımnazııa oqýshylary biri-birimen tikeleı efırde baılanysqa shyqty. «Salaýatty ómirge úırený» telekópiri barysynda Qazaqstan men Reseıdiń oqýshylaryn óz bilimderin tekserip, árqaısy óz eliniń dástúri jaıly baıandady.
Sondaı-aq, oqýshylar birigip «Qarajorǵa» bıledi. Bul usynysty qazaqstandyq oqýshylar tastady. Reseılik oqýshylar dárýmenge toly taǵamdar daıyndap, densaýlyq týraly án shyrqady.
Atalǵan is-shara «Salaýatty tamaqtaný mektebi» baǵdarlamasynyń aıasynda júzege asyryldy. Bul halyqaralyq jobaǵa álemniń 7 myńnan astam oqýshylary qatysyp jatyr.
«Telekópir bizdiń oqýshylarymyz ben qyzmetkerlerimizdi zamanaýı ómir deńgeıine ıkemdeýge asa qolaıly qural. Bul ómirdiń buljymas bóligi bala kezden-aq kóńil bólýdi talap etetin - durys tamaqtaný tártibi. Osynyń arqasynda oqýshylarymyz mektep tabaldyryǵynan attaǵanda densaýlyǵy myqty, bilimi jaqsy, aqparattyq tehnologııany meńgergen, kórshi elderde dostary da bar ózine ózi senimdi adam bop qalyptasady» - deıdi Almaty qalasy Bilim basqarmasy «Qalalyq ádistemelik kabınet» ǵylymı-ádistemelik zerthananyń bólim jetekshisi Tatıana Ejova.
Aıta ketý kerek, «Salaýatty tamaqtaný mektebi» jobasy aıasynda teatrlandyrylǵan qoıylymdardyń festıval-baıqaýy ótti. Oǵan Almaty qalasyndaǵy 21 mekteptiń oqýshylary qatysty.
