Qazaqstan jáne Reseı IT-kompanııalarynyń ókilderi Pavlodardaǵy forýmda bas qosty
PAVLODAR. QazAqparat - Pavlodardaǵy Innovatsııalyq Eýrazııa ýnıversıtetinde «ІT-tehnologııalar - ekonomıkany tehnologııalyq jańǵyrtý negizi» ekinshi óńiraralyq forýmy bastaldy, dep habarlaıdy QazAqparat tilshisi.
Forým jumysyna Qazaqstan men Reseıdiń belgili ІT-kompanııalary, sonyń ishinde «Tsıfrlyq Qazaqstan» memlekettik baǵdarlamasyn ázirlegen «Zerde» holdıngi, «QazRobotıks» Qazaqstandyq bilim berý jáne sporttyq robototehnıka federatsııasy, Qazaqstan ІT-kompanııalar qaýymdastyǵy, «IT-klaster Sıbırı», taǵy basqalar qatysyp jatyr.
Sharada kirispe sóz sóılegen Pavlodar ákimi apparatynyń basshysy Tileýhan Ysqaqov «Aqyldy úı» mobıldik qosymshasy qalada erekshe tanymaldylyqqa ıe bolyp, oǵan 12000 myń adam jazylyp úlgergenin tilge tıek etti.
Forýmnyń ashylý rásiminde ІT-tehnologtar qonaqtarǵa «Aqyldy úı» qosymshasy arqyly shańsorǵyshty qalaı paıdalanýǵa bolatynyn kórsetti.
Sharada Pavlodarda «Smart city» baǵdarlamasyn engizý, memlekettik qyzmetterdi, bank qyzmetterin elektrondy formatta kórsetý sekildi taqyryptar talqylanyp jatyr.
