Qazaqstan jáne Lıtva ádilet mınıstrleri kezdesti
ASTANA. Maýsymnyń 29-y. QazAqparat. Maýsymnyń 29-da Qazaqstan Respýblıkasynyń ádilet mınıstri Rashıd Túsipbekov pen Lıtva ádilet mınıstri Remıgııýs Shımashıýstiń kezdesýi bolyp ótti.
Kezdesýdiń basty maqsaty - eki memlekettiń ádilet mınıstrlikteriniń yntymaqtastyǵyn ornatý. Kezdesý barysynda R.Túsipbekov Qazaqstan Respýblıkasy Ádilet mınıstrliginiń atynan Lıtvanyń Birinshi Prezıdenti Algırdas Brazaýskastyń qaıtys bolýyna baılanysty lıtva halqyna kóńil aıtty.
Kezdesýge qatysýshylar óz memleketterindegi quqyqtyq saıasatty iske asyrý barysy týraly, sondaı-aq ádilet organdary qyzmetiniń negizgi baǵyttary boıynsha vedomstvoaralyq yntymaqtastyq perspektıvalaryna qatysty pikir almasty.
«Memleket basshysynyń Qazaqstan halqyna Joldaýynyń, sondaı-aq elimizdiń EQYU-ǵa tóraǵalyq etýiniń aıasynda Mınıstrlik aldyna birqatar jańa mindetter qoıyldy. Zań jobalaý jumysyn jaqsartý, bıznes ashýdy jeńildetý, penıtentsıarlyq júıeni izgilendirý jáne azamattarǵa qyzmet kórsetýdi ońtaılandyrý salalaryn halyqaralyq standarttarǵa sáıkes keltirýge umtylýdamyz» - dep atap kórsetti óz sózinde Ádilet mınıstri R.Túsipbekov.
Lıtva delegatsııasy Qazaqstanǵa bul kúnderi Astana qalasynda ótip jatqan toleranttyq jáne kemsitpeýshilik jónindegi EQYU-nyń joǵarǵy deńgeıdegi konferentsııasyna qatysý úshin kelgen.
Kezdesý qorytyndysy boıynsha Ádilet mınıstri Rashıd Túsipbekov yntymaqtastyq týraly vedomstvoaralyq kelisim jasaýdy usynyp, lıtvalyq áriptesine atalmysh kelisimniń jobasyn usyndy
