Qazaqstan jáne qazaqstandyqtar týraly úzdik oqıǵalar konkýrsy jarııalandy

NUR-SULTAN. QazAqparat - «Habar» agenttigi «Men Qazaqstandy jáne qazaqstandyqtardy ne úshin jaqsy kóremin» dep atalatyn úzdik oqıǵalar konkýrsyn jarııalady, dep habarlaıdy QazAqparat tilshisi.

QR Aqparat jáne qoǵamdyq damý mınıstri Aıda Balaevanyń aıtýynsha, baıqaý barynsha paıdaly ári kreatıvti.

«Uıymdastyrýshylar qazaqstandyqtarǵa ómirlerindegi mańyzdy oryndar, oqıǵalar, taǵdyrlaryna zor yqpal etken adamdar tarıhy jaıynda áńgilep berýdi usynady. Biz qandaı qıyn ári qyzyqty dáýirdi bastan keshirip jatqanymyzdy eskersek, kópshiligimizde saǵynyshpen eske alatyn mundaı tarıhtyń bar ekendigine senimdimin. Jáne de olar belgili bir adam taǵdyrynyń ózgerýine adamdar men oqıǵalardyń qatysy jaıynda ǵana emestigi anyq», - dep jazdy mınıstr Facebook-paraqshasynda.

Onyń atap ótýinshe, úzdik tanylǵan oqıǵalar jańa serıaldyń epızodyna negiz bolady. Al 50 avtor aqshalaı syıaqy alady.

«Kóptegen qazaqstandyq óz tarıhymen bólisetindigine jáne «Habar« tek jeńimpazdardyń ǵana emes, basqa da qatysýshylardyń da hatyn jarııalaıdy dep úmittenemin. Al biz olardyń estelikterin súısine oqıtyn bolamyz. Barlyq qatysýshylarǵa sáttilik pen shabyt tileımin», - dedi Aıda Balaeva.

Baıqaýǵa barlyq qazaqstandyqtar qatysa alady. Qatysýshy kindik Otany týraly, ózine oı salatyn, shabyt beretin, áser etetin, qýantatyn adam týraly aıtyp berýi qajet.

Basty shart – oqıǵa shynaıy, al onyń qaharmany kózi tiri qazaqstandyq bolýy kerek.

Tolyǵyraq baıqaý saıtynan tanysýǵa bolady.